OSPEL – Hallo, ich bin Jean Stassen en spuuël Filips van Horne in “Graaf van Horne – De Musical”. Ich bin 49 jaor en woeën in Ospel. Vanaaf 2009 bin ich zênger beej Limbo Project woeë ich Limburgstalige popmuziek maak.
Dieëze meziek bestieët uut eîge wêrk en Nederlandstalige popmeziek vertaaldj in dialect.
As froontmân beej de coverband Watts in a Name és mieën meziekloupbaan begonne.
Dieëze band hieët dik 20 jaor opgetroeëje en mét völ plezeer meziek gemaaktj. Inne aafgeloupe jaore heb ich aan verschillendje schoeën projecte mejgedaon. Mét de band Double Axe ‘ne set van Southside Johnny op ’t podium gezatte en in ’t kader van vastelaovendj ’n aantal jaor as froontmân beej de fieëstband Bacchus gezoonge.
De léste jaore heb ich oonger ângere mét hêrmeni-j- en Big-Band orkeste gewêrktj en moge zînge in theatershows in ’t Munttheater as “Belaeftj Kefee Veldeke’ en de show in ’t kader van ’t viêfjaorig bestaon van ’t Toon Hermanshuis in Wieërt. Ich hoeëp det vae mekaar treffe op 11 of 12 mei oppe mêrrentj in Wieërt!
KAARTEN
Voor zowel vrijdag 11 als ook zaterdag 12 mei 2018; 6 euro
VERKOOPADRESSEN
Cigo van Bun, Muntpassage Weert
Party-Time, Maaspoort Weert
Primera Wouters, Oranjeplein Weert
Warenhuis Conceptstore, Beekstaat Weert
Uitgebreide info via www.graafvanhorne.nl
Alvast een muzikaal voorproefje
