NEDERWEERT – As nowe prins van 2018 is de 27-jaorige Peet Stals gepresenteerdj. Prins Peet I woentj same mèt zeen prinses Birte Waulters aan de St.Rochusstraot in Ni-jwieërt.
Peet ès werkzaam as data analist beej E.ON in Eindhoven
Birte heet net eur studie Commerciële Economie Leisure Management succesvol afgerondj aan de Fontys Hogeschool te Eindhoven. En ès now op zeuk nao ein oetdagendje baan.
Vrije tieëd
De hobbies van Peet zeen badminton,beej 7-1 in Ni-jwieërt en sinds twieë jaor vervuldj hae de functie as penningmeister beej V.V. de Pinmaekers. Dao naeve ès hae mèt zien vreendjegroep KBP al jaore nauw betrokke beej de Ni-jwieërter Vastelaovendj en ze traeje dan auch regelmatig op mèt hun Vastelaovendj Schlagers
Birthe speultj Alt Saxofoon beej Harmonie Pro Musica in d`Indj en same trekke ze d`r gaer op oet en hoaje ze van lekker aete. Birte ès auch lid van VVV-DKW en maakt dael oet van `t zangduo Dos Cervesa.
Ajudante
Ut prinsepaar zal waere begeleidj door 3 adjudante, te wete:
Rudi van de Schoor, Nick Steuten, en Ron Wijen.
De prins zal ut seizoen in Ni-jwieërt veurgaon onger zien devies:
De toeën ès gezatte, de juuste snaor geraaktj,
vae zörge daejjae d’r wat schoeëns van maaktj!
Prins Peet I heet ein hoeësorde ingesteldj: “de orde van de opperste stumming”
Tiedes zieën officiële regeerperiode, di-j mèt zieën resepsie op zondag 6 januari 2018 begintj, reiktj hae di-j orde oet.
Jeugdprinsepaar van Ni-jwieërt
Het jeugdprinsepaar 2018 zal waere gevormdj door:
Jeugdprins Raf I ( Janssen) en Prinses Anouk (Looijen)
Jeugdprins Raf I (11 jaor) ès eine zoon van Johan en Linda Janssen.
prins Raf heet eine broor Daan
Ut gezin Janssen woeëntj aan de Wiel Gubbelsstraot in Ni-jwieërt. Jeugdprins Raf zitj in groep 8 van basisschool De Klimop en zien hobbies zeen:
Vastelaovendj veere, plezeer make ,voetballe bi-j Merefeldia en gitaar speule. Auch gieët Raf gaer nao de hondecursus mèt ziene hondj Kane.
Jeugdprinses
Jeugdprinses Anouk (11 jaor) es ein dochter van Patrick en Sandra Looijen.
Prinses Anouk heet eine broor Niels.
Same woeëne ze aan de Heijsterstraat in Ni-jwieërt. Anouk zitj in groep 8 van basisschool De Bongerd en eur hobbies zeen:
Vastelaovendj veere, paerd rei-je, en tonieël speule beej de buurtvereiniging.
Jeugdadjudant
Ut jeugdprinsepaar zal waere bi-jgestange door jeugd adjudante Indy Zwiggelaar
Ze heet ein zusje Jara
Indy ès 11 jaor en zitj in groep 8 van basisschool De Bongerd in Ni-jwieërt
Indy heur hobbies zeen vastelaovendj veere, laeze ,tennis en scouting.
Ut jeugdpaar zal de “Vastelaovendj” in Ni-jwieërt veurgaon onger ut devies:
Geine tieëd vör voetbal, paerd en hondj,
Met vastelaovendj maake vae ‘t bontj.
Het jeugdpaar heet de orde van de “Bonte Bieëste Boel” ingesteldj
Aan ut jeugdpaar zal op zondagmiddig 14 januari 2018 een receptie waere aangebooje.
