DOOSPEL – Vastelaovendjveerders, Waat hebbe vae, Prîns Joost I, Prinses Nikee, Jeugdprîns Jim I en Jeugdprinses Anke op Doospel, bî-j de Vlikkestaekers, ‘ne geweldjige vastelaovendj moge belaeve. Det de vastelaovendj op Doospel laeftj bî-j groeët en klein det wiste vae al, mer det ’t zoeë schoeën is um in dit dörp veurop te gaon det hebbe vae dit jaor moge belaeve.= Vanaaf oos oetropinge tot aan Aswoonsdig waas ‘t ein groeët gekkehoês.
Bedânktj! Bedânktj! Bedânktj!
Met optraejes van Ed en Frans, Spik en Span en Moerepetazie ging de vastelaovendj fantasties van start en dit hebbe vae same doorgetrokke tot oos aaftakeling op deêsdigaovendj. Deze vastelaovendj zulle vae as Prînsepaar vanne Vlikke en de Jong Vlikke dan auch noeëts vergaete.
Langs deze weeg wille vae gaer ‘n aantal minse bedânke di-j ‘n bî-jdrage hebbe geleverdj aan de vastelaovendj van 2018. As Jeugdprîns Jim I en Jeugdprinses Anke wille vae gaer edereîn bedânke dae d’r met os ‘ne geweldigje vastelaovendj van heet gemaaktj! Auch wille vae oos twieë adjudânte Eva en Teun met de hieële Raod van Elf bedânke vör de schoeëne tiêd.
En neet te vergaete drej kieër niks di-j spesjaal vör de Jong Vlikke ‘n liedje hebbe gemaaktj. Met in ‘t bezûndjer de commissie vör alles waat die vör os gedaon hebbe. En neteurlik neet te vergaete alle aojers van de Jong Vlikke!! As Prîns Joost I en Prinses Nikee wille vae Vorst Eric, veurzitter Mourk en de hieële Raod van Elf en aanhang bedânke vör deze geweldjige tiêd, dae vae same hebbe moge mej make.
Ouch wille vae oos groentjes Peter en Erika spesjaal bedânke vör hun hûlp, advies en taxi
service. En as lèste wille vae oze vrîndjegroep DE MEMMELS bedânke want same met uch
hebbe vae d’r ‘n onvergaetelik fieëst van gemaaktj! As lèste wille vae same Oze Hoempa , schlagerzangers Dao Geuns, ‘t optochtcomité en alle optochtdaelnemers, oos zöstervereiniginge en alle vastelaovendjveerders bedânke vör deze schoeëne tiêd dae vae noeëts mieër zulle vergaete. ‘t Waas alle daâg ein groeët gekkehoês!!!
Bedânktj! Bedânktj! Bedânktj!
Prîns Joost I – Prinses Nikee
Jeugdprîns Jim I – Jeugdprinses Anke
Geniet nog een keer van de foto’s van Paul Benschop/Ospel Actueel
